陳健波被呼「剪布英雄」 稱行街獲讚 牛腩大碟啲

星島日報 A17 12月7日

立法會財委會主席陳健波早前狠狠「剪布」,令創新及科技局的撥款能在十一月通過。波哥透露,這一「剪」,令他在地區知名度大增,多次在地區獲讚,有人高呼他英雄,連食清湯腩都突然大碟過人。
波哥話自己剪布後,在街頭不時有人見到他就叫陳生。好似有次坐的士,個司機就跟他講剪布問題,直稱他是英雄,到付錢時,還說會收便宜一點,他自己當然不好意思。當下車走過對面時,司機又特地落車,隔住一條馬路高呼︰「我支持你!」波哥笑言自己被司機嚇鬼死。
波哥又話,有次去灣仔食清湯腩,揸刀的大廚又話自己十分支持波哥剪布,碟清湯坑腩比平時大碟好多。
連去酒樓飲茶,經理都認得他,叫個杏汁白肺湯,內裏的白肺都堆到一座小山咁,令他十分不好意思。
總之剪布後,落街見到的人,都對決定有讚無彈,仲話雖然財會主席是十分棘手的工作,但他都無後悔接手。

社交分享