1)早晨，特首，香港喺經濟、治安、醫療、福利、以及人均壽命等方面，都係
世界前列水平，不過，多個調查都顯示，香港人快樂指數好低，我相信，同香港
人工作及生活嘅壓力有好大嘅關係。所以，多年嚟，我一直希望政府推動工作
與生活平衡措施，為員工減壓，員工快樂，佢哋嘅家庭亦會變得快樂，香港人自
然就快樂。
2)喺歐洲各國，佢哋推動工作與生活平衡措施，實在不遺餘力，成效亦十分顯
著。呢啲措施包括，第一 : 彈性上班或在家工作，例如規定員工朝10晚4一定喺
公司，其餘工作時間由員工按自己嘅工作型態去決定，結果員工可以分配好時
間，去照顧家庭，例如接送仔女返學同放學，或者發展其他興趣。
3)第二 : 假期從優，即係公司給予優於法例嘅有薪假期，例如在職進修假、公共
服務假、家庭照顧假、生日假、充電假等等。第三 : 建立友善、紓壓嘅工作環境
，即係透過辦公室嘅設計，營造可以減壓嘅辦公室氣氛。第四 : 建立勞資雙向、
誠懇嘅溝通渠道，員工可以講下工作嘅壓力，資方可以講下經營嘅問題，雙向
友善交流，尋求雙贏局面。
4)資方可能會擔心，呢啲措施會影響公司營運同成本，但有好多研究調查都指
出，實施呢啲措施後，僱主不但無損失，仲有好處，因為員工增加咗忠誠度、工
作更努力、更有效率、病假亦都減少咗。
5)我想問行政長官，對工作與生活平衡措施有乜睇法? 有啲乜嘢可以做? 會唔會
考慮成立跨部門嘅專責組，再投放資源，去鼓勵企業推行呢個提升香港人快樂
水平嘅政策?
社交分享
